![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Real Madrid ka festuar sot në rrugët e kryeqytetit spanjoll suksesin në Ligën e Kampioneve ku mundi në finale Liverpulin për të bërë të tijin trofeun për herë të 14 në histori.
Një festë e cila ka nisur me xhiron në autobus në pikat kyçe të Madridit, përfshirë edhe pritjen në Bashkinë e qytetit, për të vazhduar në shatërvanin e famshëm “Cibeles” ku festohen të gjithë trofetë e madrilenëve. Aty ishte ngritur një podium ku dolën me radhë protagonistët e suksesit madrilen, të pritur me brohoritje nga turma, ndërsa përshëndetnin tifozët.
Por një kor mbizotëronte shpesh, duke vënë në siklet edhe vetë futbollistët madrilenë. Tifozët e Real Madrid nuk e kanë harruar lehtë Kilian Mbape dhe e bënë pjesë të “festimeve” të tyre. “Mbape, bir k***”, ishte kori që dëgjohej vazhdimisht nga turma që rrethonte Cibeles, duke detyruar edhe lojtarët e Madrid që të nisnin kore të ndryshme të tjera për të ndërprerë fyerjet ndaj futbollistit francez të PSG-së.
PANORAMASPORT.AL